Kap ėr vėsumet, Palonguos žemaitē neožmėršt mūsa pruotieviu pergales priš kryžiuokus. Jau tradicėjė yr nuvažiout i Durbe, Skouda, Jauniunus (Joniškė raj.) ėr pagerbt mūsa tuolėmu protieviu pergaliu atmėnėma. Jei ne tuos žemaitiu pergalės, tai Lietova nebūto išlėkosi. Tėj kryžiuoka noriejė sunaikint žemaitius (paguonius), bet aniems nepavyka iveikt ožsėspyrosiu žemaitiu. Ėr tik 1613 m. prievarta bova ap-krėkštyta žemaitiu aukštuomenė, o vieliau ėr vėsa Žemaitėjė. Tad mes, būrelis že-maitiu, nuvykuom i Saulės mūšė vėjta – Jauniunus, pri nauja memoriala, ėr pager-biem mūsa žuvusiu pruotieviu dvasė.
Pasėnauduoje tou pruoga, Akmenie aplonkiem 2 žymius žmuones – Stanisluova ėr Antana Adomaitius. Antans yr skulptuorios akmenists, vo Stanisluovs yr tapytuos. Apveiziejuom anu darbus ėr vėsė lėkuom apšalė. Tuokė aukšta lygė mena korėniu Žemaitėjuo nier. Pasėdariem so autuorės portėgrapėjės. Lauka vėrtovie gaspadinė Margarita mums paruošė posmarškuonės kuošės. Padainavė ėr padiekavuojė Mar-garitai ėr Akmenės gidui Arūnui, išvykuom nomėj.
Ož ton keliuonē suteikta transporta esam didele diekingi Palonguos miesta Savivaldybē. Tep pat diekavuojem ,,Žemaitiu alkas“ tarybas narems ėr vėsėms kelevosėms.
Palonguos ,,Žemaitiu Alkas“ bendruomenė
2026 m. Rogsiejė 19 d.
Komentarai 0
Parašykite komentarą
Komentarų kol kas nėra.